Мысыр астанасы - Каир қаласындағы бұл мешіттің құрылысы 1830 жылы басталып, он сегіз жылдан соң аяқталды. Бұл ғибадат ғимаратына елдің бас алаңына айналған Тахрир алаңы арқылы баруға болады. Негізгі күмбезінің диаметрі 21 метр, ал күмбездің биіктігі 52 метрге жетеді. Сондай-ақ, екі мұнарасы бар, олардың биіктігі 82 м. 

Мұсылмандардың пирамидалар еліндегі осынау құлшылық үйінің атымен аталған адам туралы не білеміз? Мұхаммед Әлі - Османлы билігінің 1798 жылы Мысырға француздармен күресуге аттандырған пашасы. Жеті жылдың ішінде халықтың сеніміне кіріп, 1805 жылы Мысыр билеушісінің уәзірі болып тағайындалады. Осы қызметіне кіріскен жылдан екі жыл өткен соң бес мың сарбаздан тұратын британ корпусын елден қуады. Ол билік тізгінін ұстаған ширек ғасырдың ішінде, яғни, 25 жыл ішінде Мысырдың шекарасын едәуір кеңейтеді. Мұхаммед Әлі осы мешіттің салынуына қамқор болады. Ыстамбұл шаһарынан Иусуф Бушнаг есімді сәулетшіні алдыртады. 

Бұл мешіттің намаз оқитын залының аумағы 1600 шаршы метрден асады.