«Бескөл» мешіті

Қызылжар ауданы Бескөл ауылында салынған. Құлшылық орнын салу үшін ауданда қайырымдылық қоры құрылып, оларға ауданның бұрынғы әкімі Самат Ескендіров қаржы берді. Соның нәтижесінде Алла үйі 2008 жылы салынып бітті.

Жерінің аумағы 0,1262 га., ғимаратының көлемі 251 шаршы метр. Онда намазхана мен имамның бөлмесі бар. Биіктігі ішінен 4,6, күмбезінің биіктігі 12 метр. Іші әшекейленген. Мешітке жаңадан жайнамаз төселді. Кітаптар қоятын сөрелер жасалды. Телефон және компьютер, факс орнатылған. Ауласы темір шарбақпен қоршалған, ағаш егілген.