«Ібін ата» мешіті

 Жаңақорған ауданы Бірлік аулында 2005 жылы іргесі қаланып, 2006 жылы пайдалануға берілді. Әбдіқадыр Нұрмағамбетов салдырған. Жерінің аумағы 0,16 га. Ғимараттың көлемі 130 шаршы метр. Күмбездің жерден биіктігі 18 м. Кіреберіс дәліз 3,8х3,4 м. Дәліздің оң жағы имамға арналған бөлме, көлемі 3,8 х 3,4 м. Шәкірттердің дәріс бөлмесі 3,8 х 3,4 м. Намаз оқитын бөлменің көлемі 8.80 х 11.60 м. Есік алдында ас берілетін бастырма бар.

Ашылу салтанатына Бас мүфти, шейх Әбсаттар қажы Дербісәлі мен ҚР Ұлттық ғылым академиясының президенті Мұрат Жұрынов қатысып, халықты қуанышымен құттықтап, бата беріп, игі тілектер айтты.