«Түгіскен» мешіті

Жаңаарқа ауданының Жеңіс ауылында жеке кәсіпкер Қадырбек Мейрамбековтің демеушілігімен салынып, 2005 жылдың маусым айында пайдалануға берілген.

Ғимараттың ұзындығы 18, ені 14 метр. Кіреберіс бөлмесінде киім шешетін орын, оң жағында имам бөлмесі, сол жағында неке залы, ортада намаз оқитын үлкен зал орналасқан. 100 адамға арналған. Төрт терезе мен есік орнатылған. Екінші қабатында шамамен 30 адамға арналған әйелдер намаз оқитын шағын зал бар. Бөлмелеріне «Алматы кілемнің» кілемдері төселген. Михрабы «Фатиха» сүресімен өрнектелген. Бір күмбезді, шеңбері 3 метр. Ауласында қосымша жайлар мен жылыту қондырғылары бар. Ағаш көшеттер отырғызылып, көгалдандырылған.