«Көктіңгөл» ауылдық мешіті

«Көктіңгөл» ауылдық мешіті Шет ауданы Көктіңгөл ауылында 1998 жылы бой көтерген.

Көлемі 48х48 метр. Ғимараттың биіктігі 4,34 м. Мұнарасының биіктігі 7 метр. Күмбезі көк түспен боялған. Айналасы көгалдандырылып, талдар отырғызылған, жолдары асфальтталған. Темір шарбақпен қоршалған. Кіре беріс бөлмесі 1,2х1,28 метр, дәлізі 1,56х1,28 метр, сол жағындағы бөлмесі 2,97х2 метр, оң жағындағы киім ілетін бөлмесі 2,97х3 метр, намаз оқитын бөлмесінің ауданы 7,95х11,12 метр.

Намаз бөлмесінің қыбыласында «Алла», «Мұхаммед» (с.ғ.с.) деп жазылған. Бөлменің сол жақ іргесінде «Ықылас», «Фатиха», «Нас» сүрелері, оң жақ іргесіне «Фатиха», «Аятүл күрси» өрнектеліп жазылған. Бөлмелеріне кілем төселген.