«Саяқ» мешіті

Саяқ кентінде  2008 жылы ашылған. Ұзындығы 14, ені 12 метр. Жалпы аумағы 1341 шаршы метр. 100 кісіге арналған. Ауласына талдар отырғызылып, көгалдандырылған және дуалмен қоршалған. Ғимараттың сырты қызыл кірпішпен қапталған және екі мұнарасы бар, азан шақыратын дауыс күшейткіш құрылғылармен жабдықталған.

Іші ақ түспен боялған. Екі қабатты. Бірінші қабатында асхана, екінші қабатында намазхана, имам бөлмесі және дәрісхана бар. Еденіне кілемдер төселген. Орталық жылу құбыры жүргізілген. Сондай-ақ, неке қиятын, балаға азан шақырып, ат қоятын бөлмелер де қарастырылған.