«Тынарбай ата» мешіті

Жалағаш ауданына қарасты Аққыр аулында салынған. Құрылысы 2006 жылдың сәуір айында басталып, сол жылдың қазанында пайдалануға берілген. Салдырған  кәсіпкер Асылбек Тәуіпбаев. Жерінің жалпы көлемі 150 шаршы метр, 80 адамға арналған. Үш  мұнаралы, бір күмбезді. Күмбезінің биіктігі 6,70 метр. Онда  барлығы 4 бөлме бар. Намаз бөлмесі 50,4, имамға арналған бөлмесі 7, таһаратханасы 7, дәлізі 6 шаршы метр. Кіреберісте екі жаққа ашылатын үлкен есіктен кірген соң, үш бөлмеге өтетін есік және барлығы 8 терезе бар. Мұнарасының биіктігі 9 метр. Ауласында сарай бар.