«Бабағұл ата» ауылдық мешіті

Жалағаш ауданы Мақпалкөл ауылында салынған. Құрылысы  2007 жылдың мамыр айында басталып, сол жылдың қазан айында пайдалануға берілген. Шығыс үлгісі бойынша салынған. Салғызған кәсіпкер Бабағұлұлы Қаһарман. Бір мұнаралы, биіктігі 15 метр. Алла үйі 3 бөлмеден тұрады. Намазхандар бөлмесі 100, имамға арналған бөлмесі 12, дәлізі 24 шаршы метр. Ғимарат үстіндегі күмбездің айналасына 7 терезе қойылған. Жоғарғы төрт бұрышына 4 кіші күмбез орнатылған. Сыртқы есіктің екі жағында 2 терезе бар. Барлық терезелер пластиктен, кіре берістегі темір есіктен басқалары ағаштан жасалған. Ауласы темір шарбақпен қоршалған.