«Нұра ауылдық мешіті»

Алматы облысы, Талғар ауданы, Нұра ауылында 2010 жылы кәсіпкер Серік Есдаулетовтың қаржысына салынып, Наурыз мерекесі қарсаңында салтанатты түрде ашылып, халық игілігіне берілген.

Жер аумағы 40 сотық. Ауласы көгалдандырылған – 30 түп раушан гүлі, 100-ден астам қарағаш егілген. Ғимараттың ауданы 14х12 метр. 2 қабатты, қабырғасы күйген кірпішпен қаланған, сырты қызыл қышпен қапталған. Ғимараттың іші Құран аяттарымен безендірілген. Астыңғы қабатта имам бөлмесі мен әйелдер бөлмесі бар. Үстіңгі қабатта үлкен зал орналасқан.  Күмбездің шеңбері 6 метр, ал мұнарасының биіктігі 10 метр.