«Давруш ата» мешіті

Тараз қаласының Көшек батыр көшесінде орналасқан. Мураддин және Сарваддин Даврушевтер балаларымен бірге өз қаражаттарына салған. Жерінің аумағы 15 сотық. Үлкен зал 12х12,  намаз бөлмесі 12, имам бөлмесі 24, қонақ бөлмесі 20 шаршы метр. 6 терезесі мен 4 есігі ағаштан жасалған. 500 адамға арналған. Іргетасы бетоннан құйылған, қабырғасы күйдірілген кірпіштен өрілген. Шатыры қаңылтырмен жабылған. Күмбезінің биіктігі 3 метр. Ғимараттың алдында 15 метрлік мұнарасы бар. Айналасы темір шарбақпен қоршалған. Қақпасы түстік жағында.