«Бегалы ата» мешіті

Тараз қаласының Фазлаев көшесінде орналасқан. 2009 жылы Бегалы ата ұрпақтары Сырлыбек, Қалдарбек, Нұрсұлтан, Оразбек Сматовтар өз қаржысына салдырған. Жер аумағы 302,65 шаршы метр. 500 адамға арналған. Ғимараттың ұзындығы 32, ені 12 метр. Мұнарасының шеңбері 6,80 метр. Іргетасы бетоннан құйылған, ішкі және сыртқы қабырғалары күйдірілген кірпіштен өрілген, шатыры қаңылтырмен жабылған. Ғибадатхана темір шарбақпен қоршалған.