«Жандарбек» мешiтi

Ақтоғай ауданының орталығында 1996 жылы Камзин Жұмабектің ұйытқы болуымен 300 адамға арналып салынған.

Ғимарат көлемi 253 шаршы метр. Биiктiгi 14 метр. Әрқайсысы 6,40 метрлік 4 мұнарасы бар. Намаз оқитын, неке қиятын, имандылық сабақтарын оқытатын 30 адамға арналған дәрiс бөлмелері мен кітапхана орналасқан. Дiни оқулықтар және басылымдармен қамтамасыз етілген. 250 орындық асханасы бар. Жазғы демалыс кезiнде мектеп оқушыларына 2 ай имандылық дәрiстерi жүргiзiледі.