«Қасым қажы» мешіті

«Қасым қажы» мешіті Павлодар - Омбы автожолы мен Павлодар аулына кіретін Абай көшесінің қиылысында салынған. Ғимарат намаз оқитын зал, неке қию бөлмесі, мұнара, қойма және қызмет бөлмелерінен тұрады. Алла үйі шығыс сәулет өнерінің ерекшеліктерімен салынған. Оның кешеніне гараж, санитарлық торап, пеш жағатын бөлме және қызметкерлер бөлмесі  кіреді.

Жалпы жер телімінің аумағы 0,25 га.  Ғимарат биіктігі күмбезімен қоса есептегенде 10,08 метр,  ал мұнарасының биіктігі 18,3 метр. Жалпы көлемі 324,74 шаршы метр. Бірнеше бөлмелерге бөлінген. Ерлердің намаз залы 175,71 шаршы метр. Әйелдердің намаз залы 28, 49 шаршы метр. Неке қию бөлмесі 61,43 шаршы метр. Имам бөлмесі 14,33 шаршы метр. Ғимараттың төменгі қабаты (жертөле) 327,95 шаршы метр.