Таң

Күн

Бесін

Екінті

Шам

Құптан

Атырау: Бас имам имамдарға қызметтік үйдің кілтін табыс етті (+ФОТО +ВИДЕО)

Орталық «Иманғали» мешітінің баспасөз қызметі 17.05.2019 701 0 пікір

Бүгін Атырауда имамдарға қызметтік үй тапсырылды. Баспана кілтін Қазақстан мұсылмандары діни басқармасының Атырау облысы бойынша өкілі, орталық «Иманғали» мешітінің бас имамы Батыржан Мансұров имамдарға жамағат алдында салтанатты жағдайда табыс етті.

Екі бірдей үй осылайша Атырау қаласына қарасты Жұлдыз елдімекеніндегі Қажымұқан Мұңайтпасов атындағы мешіттің игілігіне беріліп отыр. Сауапты іске аталмыш мешіттің жамағаты қаржы жинап, тікелей атсалысты. Сонымен бірге, шалғайда жүрген атыраулық азаматтардың да зор үлесі болды. 

Көлемі 60 шаршы метр болатын қос үйдің әрқайсы үш бөлмеден тұрады. Заманауи үлгіде тұрғызылған үйде тұрмысқа қажетті барлық жағдай жасалған. Қызметтік үйде Қажымұқан Мұңайтпасов атындағы мешіттің бас имамы Ардақ Жұмабекұлы және аталмыш мешіттің наиб имамы тұратын болады.

«Бұған дейін имамдардың жағдайы күрделі болып келген еді. Көп жағдайда имамдар пәтер жалдап жүретін. Енді міне, Қажымұқан Мұңайтпасов атындағы мешітіміздің балансына екі бірдей баспана беріліп отыр»,- деген бас имам Батыржан Мансұров мешіт жамағатына алғысын жеткізді.

Атап өтер жайт, өткен жылы Атырау облысының бас имамы Батыржан Мансұров Құрманғазы ауданындағы орталық Темірәлі мешітінің балансына демеушілер тарапынан берілген үйдің кілтін салтанатты жағдайда тапсырған болатын.

Пікірлер (0)

Тіркелген қолданушылар ғана пікір қалдыра алады. Сайтқа кіру


Соңғылар

Мұрағат