Таң

Күн

Бесін

Екінті

Шам

Құптан

Нұр-Мүбаракта Орта Азия бойынша алғашқы SmartClass кабинеті ашылды

nmu.kz 03.05.2019 474 0 пікір

Канадалық Robotel компаниясының соңғы өнімдерінен жасақталған SmartClass кабинеті Орта Азия бойынша Нұр-Мүбарак университетінде ғана орнатылды. Әдеттегі лингофон кабинеттеріндей көрінгенімен, заманауи мультимедиялық бағдарламасы әмбебаптығымен ерекше. Яғни, бұл модерн құрылғылар арқылы тек тіл үйрену ғана емес, кез келген білім, жаңа пәндер үйренуге болады. Әрбір қатысушы өзара еркін сөйлесіп, оқытушы да әр шәкіртті орнында отырып бақылап, жеке-жеке сөйлесе алатыны сынды артықшылықтары көп. Сондықтан компанияның Таяу Шығыс пен Солтүстік Африка бойынша менеджері Ашраф әш-Сарайра арнайы келіп, Нұр-Мүбарак университетінің бір топ ұстаздарына арнайы дәріс үйретті. Апта бойы жаңа құрылғының қыр-сырын меңгерген оқытушылардың бірі араб тілінің маманы, докторант Олжас Шаяхметов:

"Бұл кабинетті «лингофон» деп атауға да келмейді. Өйткені мүмкіндіктері өте көп. Бұрын 1 сағат бойы жасайтын тапсырманы жаңа технология арқылы 10 минутта орындауға болады. Тіпті бұл SmartClass кабинетінің артықшылығын бір сөзбен жеткізу мүмкін емес,-деді.

Енді Нұр-Мүбарак университетінде бір дәрісте 24 шәкіртті қамтитын жаңа SmartClass кабинеті студенттердің білімді жан-жақты әрі тез меңгеруіне мүмкіндікті арттыра түсері сөзсіз.

 

 

Пікірлер (0)

Тіркелген қолданушылар ғана пікір қалдыра алады. Сайтқа кіру


Соңғылар

Мұрағат