Таң

Күн

Бесін

Екінті

Шам

Құптан

БАС МҮФТИ ЕУРОПА ЕЛДЕРІНІҢ ДІНБАСЫЛАРЫН ҚАБЫЛДАДЫ (ФОТО)

01.03.2018 857 0 пікір

Бүгін ҚМДБ-ның төрағасы, Бас мүфти Серікбай қажы Сатыбалдыұлы «Еуразия мұсылман ғұламаларының форумына» келген Еуропа елдерінің дінбасыларына арнайы қабылдау өткізді. Астана қаласындағы республикалық «Әзірет Сұлтан» мешітінде өткен кездесуге Украина мұсылмандары діни басқармасының төрағасы, мүфти Ахмед Тамим, Латвия «Марджани» мұсылмандар қауымдастығының төрағасы Зуфар Заинуллин, Литва мұсылмандары діни басқармасының төрағасы, мүфти Ромас Якубаускас, Румыния мүфтиі Мұрат Юсуф, Польша мұсылмандары діни кеңесінің мүшесі Якубовский Мачей Стефан, Хорватия мүфтиінің орынбасары Арслани Мевлуди қатысып, ертеңгі болатын айтулы шара алдында өзара сұхбат өткізді.

Кездесу барысында мұсылман әлемінің маңызды мәселелері қозғалып, оларды шешу жолдары мен тетіктері жайлы сөз қозғалды. Сондай-ақ, мұсылман елдері арасындағы ынтымақ пен бірлік жайы айтылып, ертеңгі болатын форумды осы бағыттағы батыл қадам деп бағалады. Осы орайда Қазақстан мұсылмандары діни басқармасының жұмысын оң баға беріп, форум жұмысының ойдағыдай өтуіне тілек білдірді. Дін қайраткерлерінің барлығына Бас мүфти Серікбай қажы Сатыбалдыұлының атынан арнайы сыйлық табысталып, естелік тарту етілді.

Пікірлер (0)

Тіркелген қолданушылар ғана пікір қалдыра алады. Сайтқа кіру