Нұрлан Ермекбаев исламофобия туралы пікір білдірді

muftyat.kz

Qazaqstan Musylmandary Dіnı basqarmasynyń resmı saıty

Update Required To play the media you will need to either update your browser to a recent version or update your Flash plugin.

Qazіr 08:06:48

20 April 2024

11 Sháýýál 1445 Хижра

DINI MEREKELER

Нұрлан Ермекбаев исламофобия туралы пікір білдірді

baq.kz

12.12.2017

3580

0 пікір

– | A | +

Нұрлан Ермекбаев исламофобия туралы пікір білдірді

ҚР Дін істері және азаматтық қоғам министрі Нұрлан Ермекбаев, Қазақстан мұсылмандары діни басқармасының төраға орынбасары, наиб мүфти Бауыржан Есмахан, Қазақстан мұсылмандары діни басқармасының Іс басқарушысы Ербосын Орын Абу-Дабиде өтіп жатқан мұсылман қоғамында бейбітшілікті нығайту бойынша «Әлемдік бейбітшілік және Исламофобия» тақырыбындағы IV халықаралық форумға қатысуда.

Форумның мақсаты – исламофобияның мазмұны мен себептерін және дін саласында болып жатқан процесстерді ой елегінен өткізу, Ислам дінінің бұрмалануын болдырмау, сондай-ақ толеранттылық, бейбітшілік пен әділеттілік мәдениетін насихаттау болып саналады.

«Біз мұсылмандар, исламофобияға қарсымыз, жауапкершіліктің бір бөлігі өзімізде жатқандығын мойындауымыз керек. Бұл жерде діни фанатиктер мен провакаторларға өздерінің радикалды көзқарастары мен тәсілдерін таратуға мүмкіндік беріп қойғанымыз туралы айтып отырмын», - деді Н. Ермекбаев форум аясында сөйлеген сөзінде.

Сондай-ақ, министр Қазақстанның мәдениеттер мен діндерді жақындастыру және халықтардың тұрақтылығы мен өзара түсіністігін қамтамасыз ету мақсатында Шығыс пен Батыс арасындағы диалогты дамытудағы Қазақстан басшысының бастамалары туралы айтты.

«Қазақстан Президентінің жаһандық бастамалары қатарында 2003 жылдан бері біздің елордамыз – Астана қаласында үш жылда бір рет өтетін Әлемдік және дәстүрлі діндер көшбасшыларының съездерін өткізу ерекше орын алады. Бұл халықаралық форумның мақсаты - жаһандық және өңірлік қауіпсіздікті қамтамасыз ету тетіктерінің бірі ретінде мәдениеттер мен өркениеттер диалогын дамыту. Осы жылдар ішінде қазақ жерінде дәстүрлі діндердің 5 рет съезі өткізілді және оның аясында аса маңызды құжаттар қабылданды», - деп атап өтті Нұрлан Ермекбаев.

Айта кетейік, форум жұмысына бүкіл әлемнің 500-ден астам беделді діни қайраткерлері, танымал теологтар, саясаткерлер мен қоғам қайраткерлері қатысуда. Форум делегаттарын Әбу-Дабидің мұрагер ханзадасы шейх Мұхаммед бен Заид Әл Нахаян қабылдады.