БАӘ үкіметі «отандық» ғарышкерлерді іріктеу әрі дайындау жөніндегі бірінші ұлттық бағдарламаны іске қосты. Әмірліктің жастары — жігіттер де, қыздар да – іріктеуге қатысуға шақырылуда, - деп мәлімдеген болатын БАӘ-нің вице-президенті әрі премьер-министі және Дубайдың әміршісі шейх Мұхаммед бин Рашид Әл Мактум.
Бұл бастама БАӘ-нің 2021 жылы Қызылжұлдызға зонд жіберу әрі 2117 жылы қызыл ғаламшарды отарлау жоспарына сәтті түрде үйлесіп тұр. «Жаңа ғарыш бағдарламасының іске қосылуымен тарихтың жаңа беті ашылғалы тұр. БАӘ-нің халқы барлық кедергілерден өтіп келеді – мүмкін емес нәрсе болмайды дегенге сенетіндерді ештеңе де тоқтата алмайды», - деп жазған екен Дубай әміршісі әлеуметтік желілерде.
Конкурсқа қатысуға іріктеліп алынғандардың алдында халықаралық стандарттар бойынша теориялық және тәжірибелік ауқымды оқу бағдарламасы тұр.
БАӘ-нің командасына Әмірліктің 4 ғарышкері кіретін болады және олар Халықаралық ғарыш станциясына жол тартады.
Pіkіrler (0)
Тіркелген қолданушылар ғана пікір қалдыра алады. Сайтқа кіру