Вашингтон мұсылмандары Құрмет күніне орай жергілікті супермаркет желілерінің бірінде тұрғындарға ашық хатқа Мұхаммед пайғамбар өсиеттерін жазып, сыйлық есебінде 50 доллар ақша салып таратты.

Бір топ жастар осындай сый-сияпат жасап, артынша тез арада тарап кеткен, деп жазады ummamag.kg. Көптеген адамдар күтпеген сыйлыққа таңданыспен қарап, қуанып жатты.

Мұсылман жастары өкілінің мәлімдеуінше, олар осылайша қоршаған ортаға қамқорлық үлгісі мен шынайы исламның бейнесін көрсеткісі келген. Айта кету керек, ашық хатта Мұхаммед пайғамбардың (с.ғ.с.) «Бір-бірлеріңе сыйлық жасаңдар. Сыйлық махабатты және сыйластықты арттырады» деген хадисі келтірілген.