Қазақстан мұсылмандары діни басқармасының төрағасы, Бас мүфти Наурызбай қажы Тағанұлы Алматы қаласындағы «Дінмұхаммед Қонаев» мешітінде өткен тарауық намазында жамағатқа насихат айтты.

Мешіт жамағатын Рамазан айымен құттықтап, маңызды тақырыптар қамтылған «Ағраф» сүресі жайлы уағыз-насихат айтқан Бас мүфти аманатқа қиянат жасамау, сертке беріктік турасында кеңінен тоқталды.

Тарауық намазының соңында ҚМДБ Төрағасы жамағатпен бірге еліміз бен жеріміздің амандығы үшін дұға жасады.