DINI MEREKELER 
ҚМДБ Баспасөз қызметі
muftyat.kz
29.03.2023
1972
0 пікір
Бүгін Астанада Бас мүфти Наурызбай қажы Тағанұлының төрағалығымен кезекті «өкілдік сағаты» өтті.
Онлайн форматта өткен жиынға ҚМДБ қызметкерлері мен Ақмола облысының имамдары қатысты. Жиналысты ашқан Наурызбай қажы Тағанұлы: «Өкілдік сағаты» жобасының басты мақсаты – облыс имамдарының өңірде атқарып жатқан жұмыстарымен жақын танысып, тиісті нұсқама, қажетті кеңес беру, сонымен қатар ҚМДБ қызметкерлері мен облыс имамдарының ортақ жұмыстарын жүйелі түрде үйлестіру. «Өкілдік сағаты» жобасы діни саладағы іс-шараларымызды сапалы әрі жоғары деңгейде ұйымдастыруға серпін береді деп сенемін» деді.
Жиналыс барысында Ақмола облысының бас имамы Қуаныш Жұмабайұлы Бас мүфтиге жыл басында бекітілген бес бағыт (дін мен дәстүр, ізгі қоғам, ихсан және насихат, діни оқу-ағарту, жат діни ағымдардан сақтандыру) бойынша атқарылған жұмыстар жайлы есеп берді. Сонымен қатар бес бағытқа жауапты ҚМДБ бөлім меңгерушілері Ақмола облысының имамдарына жұмысты жетілдіруге қатысты ұсыныс-пікірлерін жеткізді.
Жиын соңында ҚМДБ Төрағасы мүфтият қызметкерлері мен Ақмола облысының имамдарына нақты тапсырмалар жүктеп, жыл басында бекітілген жұмыс жоспарына сәйкес іс-шараларды жоғары деңгейде ұйымдастырудың маңызын атап өтті.
+7 7172 999 866
Астана қаласы, Қарасаз к-сi, 3
Pіkіrler (0)
Тіркелген қолданушылар ғана пікір қалдыра алады. Сайтқа кіру