Беларусь мұсылмандары діни бірлестігінің төрағасы Абу-Бекир Шабанович ҚМДБ Төрағасы, Бас мүфти Наурызбай қажы Тағанұлын Ораза айтпен құттықтап, хат жолдады.

«Беларусь мұсылмандары және өз атымнан Сізді және Қазақстанның барша мұсылмандарын қасиетті Ораза айтпен шын жүректен құттықтаймын.

Осы күндерде айтылған ізгі тілектер, жасалған қайырымдылық шаралары, көрсетілген мейірім жүрегімізден шынайы орын алып, сенімді серігімізге айналсын. Алла Тағала ұстаған оразамыз бен дұға-тілектерімізді қабыл етсін! Жақсы амалдарымызға сауаптан жазсын!» делінген құттықтау хатта.