Ақпарат және қоғамдық даму министрі Асқар Омаров ҚМДБ Төрағасы Наурызбай қажы Тағанұлына құттықтау хат жолдап, күллі мұсылман үмбеті қасиет тұтатын ұлық мереке Ораза айтпен құттықтады.
«Ораза айт – қайырымдылық пен қамқорлық танытуға шақыратын, сондай-ақ бейбітшілік пен келісімге үндейтін қасиетті мерекенің бірі. Ұлттық болмысымыздың негізінде жатқан жақсы ниет, ізгі істер, соның ішінде халықты ауызбіршілікке, ынтымаққа, бауырмашылдыққа шақыру – Ораза айттың жарқын көрінісі.
Рамазан айы бойы мешіттерде Аллаға мінәжат жасап, еліміздің бірлігі мен тыныштығын, халқымыздың амандығын сұраған дұға-тілектеріңіз қабыл болсын! Ораза айт мерекесінде сізге және ұжымыңызға рухани күш-жігер, жарқын көңіл, мол игіліктер мен зор денсаулық тілеймін» делінген министрдің құттықтауында.
Pіkіrler (0)
Тіркелген қолданушылар ғана пікір қалдыра алады. Сайтқа кіру