Алматы Орталық мешітінде «Зекет және қайырымдылық» қорының ұйымдастыруымен және жомарт ағамыздың демеуімен 20 отбасына «Рамазан сыйы» таратылды.

Қайырымдылық шарасына Алматы Орталық мешітінің бас имамы Төлеби Оспан және Алматы қаласына арнайы іс-сапармен келген ҚМДБ «Зекет және қайырымдылық» қорының басшысы Қанат Қыдырмин қатысты.

Шара барысында қор басшысы зекет берудің сауабы төңірегінде насихат айтып, қайырымы мол сауапты іске демеушілік көмек көрсеткен жомарт жанға алғысын жеткізді.