Ақтөбе облысына жұмыс сапарымен барған Бас мүфти Наурызбай қажы Тағанұлы «Аяла» балаларды қолдау орталығында болып, бүлдіршіндерді қуанышқа бөледі.

Балаларға киім-кешек пен сыйлық үлестірген Бас мүфти Наурызбай қажы Тағанұлы: «Биыл Мемлекет басшысы Қасым-Жомарт Кемелұлы 2022 жылды Балалар жылы деп жариялады. Балаға қамқор болып, қолдау көрсету – біздің асыл міндетіміз. Сіздер ертең-ақ үлкен азамат болып, еліміз бен жеріміздің игілігі үшін қызмет ететін боласыздар. Ол үшін бүгін жақсы білім мен тәрбие алуларыңыз керек. Мұғалім мен тәрбиешінің сөзін мұқият тыңдап, бір-біріңізге жақын бауыр болып өссеңіздер үлкен жетістікке жетесіздер. Алла Тағала сіздерге жар болсын!» деді.

Айта кетсек, бүгінде «Аяла» балаларды қолдау орталығында отызға жуық  бала тәрбие алуда.