Қазақстан мұсылмандары діни басқармасының төрағасы Наурызбай қажы Тағанұлы Алматы облысына жасаған жұмыс сапарында орталық «Иман» мешітінде қаңтар оқиғасы кезінде қаза тапқан марқұмдардың рухына қасиетті Құран аяттарын бағыштап, дұға жасады.

Дұға жасау рәсіміне облыс әкімі Қанат Бозымбаев пен мешіт жамағаты қатысты.

«Алла Тағала Отанын қорғау кезінде қаза тапқан азаматтарымызды, сонымен қатар қасіретті оқиға кезінде бақилық болған бейбіт тұрғындарды мейіріміне бөлеп, рақымына алғай. Марқұмдардың жаны жәннатта, иманы саламат болғай» деп дұға жасады Бас мүфти Наурызбай қажы Тағанұлы.