Бас мүфти Наурызбай қажы Тағанұлы Ақмола облысына жұмыс сапары барысында сәулеті жағынан Қазақстанда теңдессіз саналатын «Болашақ» сарайының қазіргі тынысымен танысты.

1 100 адамға арналған, интеллектуалды даму және спорт блоктарынан тұратын кешенде бес бағыт бойынша 78 үйірме жұмыс істейді.

Озық ғылыми зертханалармен жабдықталған нысанда ІТ, биотехнология, робототехника тәрізді салалар қамтылған. Жаңа кешен жұмысымен таныстырған директор Айнагүл Қыдырбайқызы орталықтың мол мүмкіндіктерін қонақтарға арнайы көрсетті. Ал ҚМДБ Төрағасы Наурызбай қажы Тағанұлы аймақтағы балалардың жан-жақты дамуына қолайлы жағдай жасап отырған бұл жобаның болашаққа бағытталған инвестиция деп атап өтті.  

Айта кетейік, орталық 2020 жылы пайдалануға берілген.