«Call-орталықтағы сұрақ-жауап» жобасының кезекті тікелей эфирінде елімізге белгілі исламтанушы-ғалым, ҚМДБ Шариғат және пәтуа бөлімінің меңгерушісі, Ғұламалар кеңесінің мүшесі Сансызбай Құрбанұлы оқырман сауалдарына жауап берді.

«Әбу Ханифа» апталығына орай «Имам Ағзам және Ханафи мәзһабы» тақырыбында өткен эфир барысында Діни ақпарат беру орталығының 8 7172 33 30 30 нөміріне хабарласқандар көп болды. Мүфтияттың инстаграмдағы @muftiyatkz парақшасында өткен тікелей эфирде ұстаз Сансызбай Құрбанұлы тақырыптан тыс намаз, дәрет, неке мәселелеріне қатысты да сұрақтарға жауап берді.