Tań

Kún

Besіn

Ekіntі

Aqsham

Quptan

Qazіr

29 March 2024

19 Ramazan 1445 Хижра

  DINI MEREKELER

БАС МҮФТИГЕ МАҢҒЫСТАУ ОБЛЫСЫНДАҒЫ ДІНИ АХУАЛДЫ БАЯНДАДЫ (ФОТО)

ҚМДБ баспасөз қызметі muftyat.kz 11.08.2020 3235 0 пікір
БАС МҮФТИГЕ МАҢҒЫСТАУ ОБЛЫСЫНДАҒЫ ДІНИ АХУАЛДЫ БАЯНДАДЫ (ФОТО)

Қазақстан мұсылмандары діни басқармасының төрағасы Наурызбай қажы Тағанұлы елордада Маңғыстау облысының бас имамы Әнуар қажы Ізімбайұлы мен Жаңаөзен қаласының бас имамы Құрманбек Абдалиевті қабылдады.

Кездесуде бас имамдар өңірдегі діни ахуалды баяндап, оқу-ағарту, діни оңалту, жеке түсіндіру, қайырымдылық шаралар туралы Бас мүфтиге есеп берді. ҚМДБ Төрағасы жат ағымның жетегінде кеткен жастармен кешенді түрде жұмыс жүргізіп, жеке түсіндіру шараларына басымдық беруге назар аударды.

«Мешіт – тек құлшылық жасайтын орын емес. Мешіт – оқу ордасы, қайырымдылық пен ізгіліктің орталығы, жамағатты жақсылыққа үндейтін орын. Сондықтан халыққа асыл дінімізді жеткізуде, жат ағымға алданған жастарды діни оңалту ісінде имамдардың ұстаздық қабілетін дамыту қажет. Осы мәселеге баса назар аударылсын» деп атап өтті ҚМДБ Төрағасы Наурызбай қажы Тағанұлы.

Кездесу соңында Бас мүфти дін қызметкерлеріне нақты тапсырмалар берді.    

Pіkіrler (0)

Тіркелген қолданушылар ғана пікір қалдыра алады. Сайтқа кіру