Қостанай облысының бас имамы Бахытбек Нұрғабылұлы Жітіқара ауданына арнайы сапары кезінде «Қара бүркіт» атауымен белгілі №39 түзету мекемесінде болды.

Ол осы мекемедегі кітапхананың діни кітап қорын қарап, ҚМДБ-ның арнайы сараптамасынан өткен қосымша әдебиеттермен толықтырды. Қазіргі таңда мекеме кітапханасында 400-ден астам діни әдебиет қоры жинақталған.

Сонымен қатар мекемеде жұмыс істейтін қызметкерлерімен кездесіп, «Дәстүрлі ислам құндылықтары» тақырыбында, ал жазасын өтеушілермен «Ізгі қоғам» тақырыбында әңгіме өрбітті.