Қасиетті айдағы «30 күнге 30 шара» жобасы елордадағы «Сәдуақас қажы Ғылмани» мешітінде де алуан шаралармен жалғасып келеді.

Мешіттің жоспардағы іс-шаралар легінде қайырымдылық жасау, ауызашар беру, Рамазан сыйын тарату, кездесулер өткізу, уағыз-насихат жұмыстарымен қатар қоғамдық маңызы бар істер де қоса атқарылуда.

Солардың бірі ретінде мешіттегі ардагерлерге құрмет көрсетілгенін айтуға болады.

Бас имам Руслан Байзақов Байқоңыр аудандық Ардагерлер кеңесінің Төрағасы, Өрт сөндіру қызметінің ардагері және ұзақ жылдар «Астана Тазалықта» еңбек еткен қызметкерін мешітке шақырып, құрмет көрсетіп, Рамазан сыйлығын табыстады.

Ардагерлер қасиетті айдағы құрметке дән риза болып, Алла үйінің қызметіне алғыс білдіріп, имамдарға ақ батасын берді.