ҚМДБ Әйел-қыздар секторы Қызылорда облыстық өкілдігінің ұйымдастыруымен қалалық орталық «Нұр» мешітінде хадис сайысы өтті.

Мешіттерде білім алып жатқан әйелдер мен қыздар арасында өткен жарысқа 20 шәкірт қатысып, жас ерекшелігіне қарай екі топқа бөлінді. Дода шартына сәйкес, хадистің кімнен риуаят етілгендігіне, хадистің қатесіз айтуына, сөз мағынасының түрленбеуіне және бір хадиске терең мағынада талдау жүргізуіне мән берілді.

Қазылар алқасының бағалауы нәтижесі бойынша үлкендер тобы бойынша Батима Тәуекелова, Забида Сәдуақасова, Сұлу Ділмағанбетова І, ІІ, ІІІ орындарды иеленсе, жастар арасында бас жүлде мен І, ІІ, ІІІ орындарды Аружан Раушабек, Бағдагүл Накишева, Айзада Ғалымқызы, Сымбат Қалжан қанжығасына байлады. Жүлдегерлер мен қалған қатысушылар бағалы сыйлықтармен марапатталды.