Семей аймағы өкілдігіне қарасты Аягөз қалалық мешітінің Әйел-қыздар секторы «Асыл да мейірбан аналар» тақырыбында алтын құрсақты аналар арасында сайыс өткізді.

«Хадиша» және «Фердаус» атты екі топ арасында таныстыру, көрініс, қол өнері, талқан тию, дастархан әзірлеу т.б танымдылық сайысы ұйымдастырылды. Аналар арасынан әділ қазылар бағаларын беріп отырды.

Мешіттің наиб имамы Дәулет Қинаятұлы ұйымдастырылған ізгілікті шараға сәттілік тілеп, Алла елшісі (оған Алланың салауаты мен сәлемі болсын) хадисінде: «Араларыңда жақсыларың, басқаларға пайдаларың көп тигендерің» – деп айтқандығын тілге тиек етті. Мешіт шәкірттері ана туралы тақпақтар айтып, салт-дәстүрден тәрбиелік сабақ алды.

Жарыс қорытындысы бойынша І орынды «Фердауыс» тобы, ІІ орынды «Хадиша» тобы иеленді. Қатысушыларға алғыс хатпен, марапат, сыйлықтар табысталды.