Tań

Kún

Besіn

Ekіntі

Aqsham

Quptan

Qazіr

29 March 2024

19 Ramazan 1445 Хижра

  DINI MEREKELER

Ақмолалық 30 студентке шәкіртақы тағайындалды

Нұр-Мүбарак университетінің баспасөз қызметі nmu.kz 08.09.2021 3249 0 пікір
Ақмолалық 30 студентке шәкіртақы тағайындалды

Нұр-Мүбарак университетіне ҚМДБ Ақмола облыстық өкілдігінің бас имамы Қуаныш Жұмабайұлы арнайы келіп, студенттермен кездесті.

Ақмола облысының бас имамы шәкірттерге насихат айтып, дін жолындағы қызметтің жауапкершілігіне тоқталды. Сондай-ақ ақмолалық студенттерді имамның білім қуған жастарға берілетін әкімдік гранттары мен облыстық мешіт тарапынан тағайындалған бір жылдық шәкіртақы жөнінде хабары қуантты.

Тәуелсіздіктің 30 жылдығына арнап Ақмола облысының бас имамы дін жолында білім алушы аймақтық 30 шәкіртке 9 ай бойы 15 мың теңгеден шәкіртақы төлемек. Оның 12-сі Нұр-Мүбарак университетінің студенттері, ал қалған 18-і еліміздегі медресе-колледждерде білім алушы шәкірттерге тиесілі. Арнайы сертификатты студенттерге табыстаған Қуаныш Жұмабайұлы:

«Оқу, білім жолы өте жауапты әрі дін ілімін сіздер өздеріңізге емес, әуелі елге қызмет үшін үйренулеріңіз маңызды. Себебі қазір білімді дін мамандары ауадай қажет. Сондықтан осы жолда алаңдамай білім алсын деп бөлінген шәкіртақы сіздерге сәл де болса демеу болады деген үміттеміз» деп сенімін білдірді.

Шәкіртақы иелері арнайы комиссияның сараптауымен таңдалған. Бұл жөнінде облыстық мешіттің Діни білім бағытына жауапты маман Айдос Әсет жеткізді. Сондай-ақ пандемия кезінде онлайн оқу барысында уақыт тауып мешітке келіп қызмет еткен университет студенті Бақберген Хуандыққа арнайы алғыс хат табыстап, оны өзге студенттерге үлгі етті.

Ал университет оқытушысы Бауыржан Шайзан төрт жыл уақытты білім жолына тиімді пайдаланудың маңызына тоқтала келе, шәкірттерге жан-жақты қолдау жасап жатқан Ақмола облысынан келген қайырымды қонақтарға шәкірттер атынан да алғысын білдірді.

Басқосу соңында естелік суретке түсіп, еркін әңгіме студенттерге арналып жайылған дастархан басында жалғасты.  

Pіkіrler (0)

Тіркелген қолданушылар ғана пікір қалдыра алады. Сайтқа кіру