Қызылорда облысы Жаңақорған ауданына жұмыс сапарымен барған облыстың бас имамы Болатбек Ұласқанұлы 2 отбасына баспана кілтін табыстады.
ҚМДБ «Зекет» қорының «Ел үлесі пәтерге» акциясының 331, 332-баспаналарының кілті үй иелеріне салтанатты түрде берілді. Бұл – жыл басынан бері Қызылорда облысы бойынша беріліп отырған 17-баспана. Бұдан бөлек «Көшпелі керуен» қайырымдылық акциясы аясында тұрмысы төмен 40 отбасыға азық-түлік қоржынын табысталды.
Сондай-ақ «Көшпелі керуен» қайырымдылық акциясы Шиелі ауданында жалғасты. Шиелі аудандық орталық мешітінің ұйымдастыруымен аудандағы әлеуметтік жағдайы аз қамтылған 30 отбасыға азық-түлік қоржыны таратылып, 8 мұқтаж отбасыға 4 тонна көмір жеткізілді. Науқас сәбиге үміт сыйлау мақсатында дәрі-дәрмек алуға қаржылай көмек берілді.
Жұмыс сапарымен аудандарды аралаған облыстың бас имамы Болатбек Ұласқанұлы осындай игі шараларға қатысып, тұрғындармен жүздесті.
Pіkіrler (0)
Тіркелген қолданушылар ғана пікір қалдыра алады. Сайтқа кіру