Қазақстан мұсылмандары діни басқармасына 30 жыл толуына орай Қызылорда облысы, Шиелі ауданының Балаби ауылында көпір халық игілігіне берілді.

Шиелі ауданына арнайы сапармен барған ҚМДБ-ның Қызылорда облысы бойынша бас имамы Болатбек Ұласқанұлы жаңа көпірдің лентасын қиды. Ауданға қарасты Балаби ауылында салынған көпірдің ұзындығы 8 метр, ені 2 метрді құрайды.

ҚМДБ-ның Қызылорда облысы бойынша өкілдігі, Шиелі аудандық орталық мешітінің мұрындық болуымен жүзеге асырылған маңызды жобаға ауыл халқы дән риза.