Tań

Kún

Besіn

Ekіntі

Aqsham

Quptan

Qazіr

29 March 2024

19 Ramazan 1445 Хижра

  DINI MEREKELER

ЕЛБАСЫ КОРОНАВИРУС ІНДЕТІНЕН ҚАЙТЫС БОЛҒАНДАРДЫҢ ТУЫСТАРЫНА КӨҢІЛ АЙТТЫ

elbasy.kz 13.07.2020 3424 0 пікір
ЕЛБАСЫ КОРОНАВИРУС ІНДЕТІНЕН ҚАЙТЫС БОЛҒАНДАРДЫҢ ТУЫСТАРЫНА КӨҢІЛ АЙТТЫ

Елбасы Нұрсұлтан Назарбаев коронавирус індетінен қайтыс болғандардың туыстары мен жақындарына көңіл айтты. Бұл туралы Елбасының Баспасөз қызметі хабарлады.

 

Құрметті қазақстандықтар!

 

Бүгінде Қазақстан бұрын-соңды болмаған күрделі ахуалмен бетпе-бет келіп отыр. Қауіпті індет біздің қалаларымыз бен ауылдарымызға тарап, өкінішке қарай, адам шығыны орын алып жатыр.

Мемлекет басшысының шешімімен 13 шілде коронавирус індетінен қайтыс болған азаматтарды еске алу ­– Ұлттық аза тұту күні болып жарияланды.

Алапат дерт біздің адамдарымыздың өмірін қиып әкетуде. Бұл бәріміздің қабырғамызды қайыстырып отыр. Әрбір кісі өлімінің артында қара жамылған біраз адамның ­– әкелер мен аналардың, қыздарымыз бен ұлдарымыздың, дос-жарандарымыздың қайғы-қасіреті тұр.

Мезгілсіз қаза болғандардың туған-туыстары мен жақындарына қайғыларына ортақтасып, көңіл айтамын.

Біз береке-бірлік пен тұтастықтың арқасында талай сынақтан сүрінбей өттік. Бұл қиындықты да ел болып еңсереміз деп сенемін.

Pіkіrler (0)

Тіркелген қолданушылар ғана пікір қалдыра алады. Сайтқа кіру