Бас мүфти Наурызбай қажы Тағанұлы күллі мұсылман қауымын бүкіл әлемді алаңдатып отырған COVID-2019 жұқпалы індетіне қарсы дұға жасап, дін қызметкерлерін құран хатым түсіруге шақырған еді. Бұл үндеуді Ақтөбе облысының бас имамы Төлеби қажы Оспан бастаған өңір имамдары да бірауыздан қолдауда.

 Қалалық және аудандық мешіттердің имамдарынан екі топ құрылып, аптасына екі Құран Хатым оқылып жатыр. Кешегі қасиетті жұма күні ақтөбелік имамдар атышулы індетке қарсы Құран Хатым оқып, бата жасады. Құранды толық оқып шыққан дін қызметкерлері Алла Тағаладан барша адамзат баласын жұқпалы індеттен сақтауын тілеп, еліміздің тыныштығы мен халқымыздың амандығы үшін дұға жасады.