Шешенстан Республикасының басшысы Рамзан Қадыров Қазақстан мұсылмандарын, оның ішінде Сарыағаш қаласының тұрғындарын сәулеті мен сәні жарасқан Ислам орталығының ашылуымен құттықтап, игі тілегін жолдады.

«Сіздерді Ислам орталығының ашылуымен құттықтаймын. Игі шараға қатыса алмасам да өзімнің шынайы ниетпен құттықтауымды жолдаймын. Өйткені, зобалаң замандарда қазақ халқы бізге пана болды. Сондықтан, Қазақстан шешен халқының екінші Отаны болып қала береді. Бұл орталықтан ғұлама-ғалымдар шығады деп санаймын» делінген Р.Қадыровтың құттықтау хатында.

Құттықтау хатты оның кеңесшісі Амруддин Эдилгерев оқып берді.