Tań

Kún

Besіn

Ekіntі

Aqsham

Quptan

Стратегиялық талдау және даму бөлімі

Стратегиялық талдау және даму бөлімі

Смайыл Сүйерқұлұлы Сейтбеков

1976 жылы туған.

Білімі мен біліктілігі:

1992 жылы мектеп бітірген соң Қазақстан Республикасы мен Түркия Республикасы арасындағы келісім-шарт негізінде Түркияға жоғары білім алу үшін барған.

1992-1993 жылы Бурса қаласындағы түрік тілін үйрету орталығында тіл үйренген.

1993 жылы Бурса қаласындағы Улудаг университетінің Илаһият (теология) факультетіне түсіп, 1998 жылы «Теолог» мамандығы бойынша бітірген.

1998-2003 жылдар аралығында Шымкент қаласындағы Халықаралық Қазақ-Араб университетінде оқытушы болып қызмет атқарған. Университет қабырғасында қызмет етіп жүріп «Ислам тарихы (әмәуилер мен аббасидтер кезеңі)», «Ислам әдебі» атты кітап жазған.

2003-2005 жылдар аралығында Әл-Фараби атындағы Қазақ ұлттық университетінің «Дінтану» мамандығы бойынша магистратурасын қызыл дипломмен бітірген.

2005-2007 жылдар аралығында Әл-Фараби атындағы Қазақ ұлттық университетінің аспирантурасын тәмамдаған.

2010 жылдың 30 қаңтар күні Әл-Фараби атындағы Қазақ ұлттық университетінде «Исламдағы сунна ілімінің мәдени, тарихи орны» тақырыбында кандидаттық диссертация қорғаған.

 

Еңбек жолы:

2004-2005 жылдар аралығында Алматы қаласындағы Тастақ мешітінде наиб имам болып қызмет еткен.

2005-2011 жылдар аралығында Қазақстан мұсылмандары діни басқармасының Батыс Қазақстан облысы бойынша өкіл имамы, Орал облыстық орталық мешітінің бас имамдық қызметін атқарған.

2008-2011 жылдар аралығында «Орал медресесінің» директоры қызметін қоса атқарған.

2011-2013 жылдар аралығында ҚМДБ-ның Діни оқу-ағарту бөлімінің меңгерушісі қызметін атқарды.

2013-2019  жылдар аралығында ҚМДБ-ның Маңғыстау облысы бойынша өкіл имамы, Маңғыстау облыстық орталық мешіттің бас имамы болып қызмет етті.

2019 жылдың қазан айынан бастап ҚМДБ Халал өнімдерін стандарттау бөлімінің меңгерушісі қызметін атқарды.

2020-2024 жылдары ҚМДБ Діни білім және кадр даярлау бөлімінің меңгерушісі қызметін атқарды.

2024 жылдың наурыз айынан бастап Стратегиялық талдау және даму бөлімінің меңгерушісі болып тағайындалды.  

Отбасылы, 5 ұлдың әкесі.