Tań

Kún

Besіn

Ekіntі

Aqsham

Quptan

Qazіr

29 March 2024

19 Ramazan 1445 Хижра

  DINI MEREKELER

Планшеттен оқыған Құранның сауабы бар ма?

Руслан Камбаров 24.07.2019 10417 0 пікір

Ассалаумағалейкум! Құран Кәрімді дәретсіз планшет немесе телефон сияқты электронды құрылғыдан оқыса сауабы бола ма?

 

Жауап

Уағалейкумассалам!

Құран Кәрімде: «Оны (Құранды) тазаланғандар ғана ұстайды[1]», - деп дәретсіз Құран кітабын ұстауға болмайтындығы айтылған. Дегенмен, телефон, планшет және компьютер сияқты электронды құрылғыдағы Құран Кәрім шынайы парақтан жасалмағандықтан, оны дәретсіз қолға алып оқуға рұқсат етіледі. Бұған қоса: 

«Кімде-кім Алланың кітабынан бір әріп оқыса, сол үшін бір сауап бар. Ал, сауап он есе көбейеді. Мен «Әлиф Ләм Мим» бір әріп деп айтпаймын. Алиф – бір әріп, ләм – бір әріп, мим – бір әріп[2]» 

деген хадис негізінде Құран аяттары мен сүрелерін тілімен оқығандықтан әрбір әріпі үшін сауабы бар.

Ал, енді Құран кітабын қолға алып оқыса, жай тілмен оқығаннан қарағанда сауабы еселене түседі. Өйткені, мұнда тілден бөлек басқа да сезім мүшелері ортақтасады. Көзбен Құран аяттарына қараумен және қолмен Құран парақтарын ұстау - жай тілмен оқудан қарағанда еселенеді[3].


[1] «Уақиға» сүресі, 79-аят
[2] Тирмизи
[3] Дәрул Ифта

Pіkіrler (0)

Тіркелген қолданушылар ғана пікір қалдыра алады. Сайтқа кіру