Алматы Орталық мешітінде ҚМДБ Төрағасының орынбасары, наиб мүфти Кенжеәлі Қоңыратбайұлының жетекшілігімен «Ихсан ілімі ізгілікке тәрбиелейді» тақырыбында қала имамдарының жиыны өтті.

Басқосуда дін қызметкерлері және қала тұрғындары арасында Ихсан ілімін насихаттау, қала имамдарының діни қызметтерінің сапасын арттыру және діни рәсімдерді  атқарудағы бірізділік мәселесі қаралды.

Наиб мүфти Қазақстан мұсылмандары діни басқармасы бекіткен жеті бағыт бойынша жұмыс барысын жүйелі насихаттауға кеңінен тоқталды. Ал қаланың бас имамы Төлеби Оспан шаһар имамдарына 2021 жылдың қорытынды есептерін пысықтап, аудан мешіттеріндегі уағыз-насихат жұмыстарын қадағалауды тапсырды.