Түркістан облысы Жетісай ауданына қарасты Байдала елді-мекенінде орналасқан "Қуаныш-Бек" мешітінде қазақ халқының ұлттық мерекесі Наурызға арнап "Қош келдің, әз Наурыз!" тақырыбында іс-шара өтті.
Игі іс-шарада қасиетті Құран аяттары оқылып, еліміздің тыныштығы мен бірлігі үшін арнайы дұға жасалды. Сонымен қатар ұлттық салт-дәстүріміз жайлы уағыз- насихат айтылып, көне көз ғұрыптарымыздан көріністер қойылды.
Көпшіліктің батасын алу мақсатында сый-сияпаттар мен наурыз көже тартылды. Қонаққа келген ұстаздар келе жатқан қасиетті Рамазанның қадірі туралы уағыз айтты. Сонымен қатар іс-шарада Рамазанға арналған өлең-жырлар оқылды. Қазақтың ұлттық ойындарының бірі "Алтын жүзік" ойыны іс-шараның көркін арттыра түсті. Көрермендер арасында дін мен дәстүр сабақтастығы жайлы сұрақ-жауап ойыны жүргізілді. Мақал-мәтел, бата сайыстары да рухани кештің мәнін арттыра түсті.
Пікірлер (0)
Тіркелген қолданушылар ғана пікір қалдыра алады. Сайтқа кіру