Қостанай облысының бас имамы Бахытбек Нұрғабылұлы Денисов ауданында болып, жергілікті Мәдениет үйінде «Ислам – ынтымақ және бірлік діні» тақырыбында насихат айтты.

Бас имам қатысушылардың сұрақтарына нақты жауап берді. Ал облыстық мешіттің наиб имамы Абзал Бейсекеев аудандық полиция қызметкерлерімен кездесіп, жұртшылықты бірлік пен татулыққа шақырды.

Бас имамның аудандағы сапары іскерлік жағдайда өтіп, өңірде діни ахуалдың жылдан-жылға жақсарып келе жатқанын көрсетті.