Ата-бабамыздан келе жатқан мұрамызды жаңғырту мақсатында Қостанай өңірінде ұлттық дәстүрлі садақ ату клубы ашылып, оған куә болған тұрғындар ерекше қуанышқа бөленді.

Бұған қазақтың аяулы қызы Науырзым ауданының тумасы, садақ атудан республика чемпионы Аяулым Аппазова жетекшілік етеді.

Намысты да жігерлі бауырымыздың ендігі көздеген мақсаты – алдағы уақытта ұлттық спортымыздың осы түрін өңірімізде жаңғырту. Сол мақсатта Қостанай аймағындағы кәсіпкерлер палатасының көмегіне сүйенген. Кәсіпкерлер оның бастамасына қолдау білдірді.

Жоғарда аталған клубтың салтанатты ашылуына ҚМДБ Қостанай облысының бас имамы Бахытбек Тәжімбет қатысып, Аяулым Аппазоваға шынайы алғысын білдіріп, батасын берді.

Сонымен қатар өңірдегі «Олжа-Агро» серіктестігі де ұлттық спорт ойындарына қолдау білдіретін болды. Енді осы клубта Қостанайдың жас жеткіншектері, талапты ерлер мен әйелдерге садақ ату үйретілмек.