Шығыс Қазақстан облысының Шемонаиха ауданы орталығында Мәуліт айының құрметіне жасөспірімдер арасында еркін күрестен аудандық біріншілік болып өтті.

Сайысты Шемонаиха аудандық мешіті ұйымдастырды. Бәсекеге ауданнан 40-тан астам жас палуан қатысып, боз кілемде белдесті. Білек күшімен қарсыластарының жауырынын жерге тигізген палуандарға аудандық мешіттен алғыс хаттар мен сыйлықтар табысталды.

Шемонаиха ауданының бас имамы Ибрагим Еркінбайұлы: «Ардақты Пайғамбарымыздың (оған Алланың салауаты мен сәлемі болсын) дүние есігін ашқан Мәуліт айында салауатты өмір салтын насихаттау мақсатында балалардың арасында еркін күрес сайысын ұйымдастырдық. Шара аса тартысты, қызықты өтті. Сонымен қатар бәсекеге қатысушы жас палуандарға халық риза болды» деп атап өтіп, сайыстың мақсатына тоқталды.

Сайыс жоғарғы деңгейде ұйымдастырылып, көрермен аудандық мешіт ұжымына алғыс білдірді.