ҚМДБ Жастар ісі секторының Қызылорда облысындағы өкілдігі және қалалық «Сұлтан», «Мүсірәлі ата» мешіттернің мұрындық болуымен «Қамқорлық» дағдарыс орталығына көмек көрсетілді.

ҚМДБ Жастар ісі секторының өңірдегі жетекшісі А.Жексенов пен «Сұлтан» мешітінің бас имамы Қ.Отызбаев орталық жұмысымен танысып, қиындыққа душар болған түрлі тағдыр иелерімен кездесті.

Кездесу барысында орталықты паналаған жандармен сұхбаттасып, рухани қолдау білдірді. Алдағы уақытта да көмектесуге дайын екенін жеткізген мешіт имамдары балаларға базарлықтар табыстады.