ҚМДБ қасиетті Рамазан айын жоғары деңгейде атап өту мақсатында «Рамазан – отбасы айы» айдарымен түрлі отбасылық іс-шаралар өткізуді күн тәртібіне қойған болатын.

ҚМДБ Әйел-қыздар секторының Ақтөбе облысы бойынша жауапты өкілі,  ұстаз Кенжегүл Қошқарованың ұйымдастыруымен «Шаңыраққа шуақ шашқан Рамазан» атты отбасылар арасында онлайн байқау жарияланды. Байқау Әйел-қыздар секторының инстаграм желісі арқылы өтіп, сайысқа 30 отбасы қатысты.

Байқау шарттары бойынша Рамазан айында отбасында мерекелік көңіл-күй қалыптастырып, үй ішін безендіріп, отбасылық жағдайда қалай атап өту керектігін көрсету керек болатын. Талапқа сай әр отбасы бала-шағасымен өз дайындықтарын видеороликке түсіріп, үй ішін безендіріп, өлең-жыр шумақтарымен қасиетті айдың маңыздылығын жеткізді.

Алдағы уақытта инстаграм желісі арқылы жеңімпаз отбасылар көпшіліктің дауыс беруімен анықталады. Сонымен қатар бағалы сыйлықтар мен ынталандыру жүлделері беріледі.