СҚО Ақжар ауданы Алқатерек ауылында ҚМДБ-ның «30 жылдыққа 30 игі шара» жобасы аясында жергілікті халық игілігіне таза су құдығы берілді.

Айта кетейік, Қазақстан мұсылмандары діни басқармасының 30 жылдығына орай еліміздің барлық аймағында 30 отбасыға және шалғай ауылдардағы 30 дін қызметкеріне баспана сыйлау, 30 зиратты қоршау, 30 көпір тұрғызып, 30 құдық қаздыру, 30 мешітті күрделі жөндеуден өткізу, 30 мешітке қоғам қайраткерлерінің есімін беру секілді қайырымдылық шараларын қамтитын «30 жылдыққа 30 игі шара» жобасы қолға алынған болатын.