Ауруханада науқастанып жатқан жандар тыныс алу аппараттарына зәру. Өйткені індет кезінде өкпесі қабынғандар саны күрт өсіп кеткен. Сауығып тұрғандар бұл дерттің өте ауыр екенін айтады.

ҚМДБ бастамасымен өтіп жатқан «Өмірге үміт сыйла» акциясының аясында Жетісай аудандық орталық ауруханасына 6 оттегі концентраты аппараттары табысталды.

Игі іске аудандық мешіттің «Жастар ісі» секторы және зекет бөлімінің қызметкерлері ұйытқы болды. 1,5 млн теңгеге өмірге үміт сыйлаған жамағат пен кәсіпкерлерге ризашылығымызды білдіреміз.